Ставрополка орта мектебінде Жаңа жыл мерекесіне орай ерекше мерекелік атмосфера қалыптасты. Мектебімізде дәстүрлі «Ең көрнекті сынып» байқауы ұйымдастырылып, оған оқушылар мен сынып жетекшілері белсенді қатысты.
Байқау барысында оқу кабинеттері мен мектеп фойесі мерекелік безендіріліп, білім ордасы нағыз қысқы ертегі әлеміне айналды. Әр жерде жарқыраған шамдар, сәнді шыршалар, қар ұлпалары, түрлі-түсті гирляндалар мен оқушылардың өз қолдарымен жасаған жаңа жылдық композициялары ерекше сән берді.
Әр сынып безендіру жұмысына шығармашылықпен қарап, өздерінің қиялын, талғамын және ұйымшылдығын көрсете білді. Бұл шара оқушылардың шығармашылық қабілеттерін дамытып қана қоймай, оларды бірлікке, ынтымақтастыққа және ортақ іске жауапкершілікпен қарауға тәрбиелейді.
Осындай бірлескен еңбектің нәтижесінде мектепте мерекелік көңіл-күй орнап, Жаңа жылды қарсы алудың ерекше сәні сезілді. «Ең көрнекті сынып» байқауы оқушыларға қуаныш сыйлап, мектеп өміріне жарқын әсер қалдырды.
Баршаңызға көтеріңкі көңіл-күй, жарқын эмоциялар және алдағы жылы жаңа жетістіктер тілейміз!
Facebook желісіндегі жарияланымға сілтеме:
https://www.facebook.com/KGUStavropolkaSH/posts/pfbid03k6cGxucMprYz6i9V2ZP7Bci7Kd3x2LZrx4am5Ybxc77uzeG1JPpaShoEmXxQXBCl
#Адал_азамат
#Жаңа_жыл
