29 маусым күні "Балалар жылы- 2022" бағдарламасы және жазғы лагерь аясында "Новоишим қазақ орта мектебі" КММ-де "Мен елімді сүйемін" тақырыбында поэзия кеші ұйымдастырылып, балалар спорттық қимылды ойындар ойнады. Мақсаты: Туған елге, Отанға деген сүйіспеншілігін, патриоттық сезімін нығайту.
28 маусым күні жазғы "Балалар және театр" жобасын іске асыруда "Балалар жылы- 2022" бағдарламасы және жазғы лагерь аясында "Новоишим қазақ орта мектебі" КММ-де балалар ертегі кейіпкерлеріне пародия көрсетті. Мақсаты: жақсылық құндылықтары туралы түсініктерін кеңейту, жақсылық пен жамандықтың қатар жүріп адам өмірінде сан қилы белең көрсететінін қуындыру.
27 маусым күні "Балалар жылы-2022", Рухани жаңғыру бағдарламалыры және жазғы лагерь асында "Новоишим қазақ орта мектебі " КММ-де "Мейірімділік әліппесі" тақырыбында балалар сурет салып, қызықты логикалық тапсырмаларды орындады. Мақсаты: балалардың логикалық ойлау қабілетін дамыту, шығармашылыққ баулу.
24 маусым күні "Балалар жылы- 2022" бағдарламасы және жазғы лагерь аясында "Новоишим қазақ орта мектебі" КММ-де балалар " Менің отбасым" тақырыбында асфальтта сурет салды. Мақсаты: адамгершілікке, имандылыққа тәрбиелеу, отбасы мүшелерінің қарым-қатынастарын нығайту.
22 маусым күні жазғы лагерь аясында балаларға «Достық» деген не?» тақырыбында балалар арасында шағын пікірталас ,кумулятивтік әңгіме орын алды. Дос туралы видеролик тамашалады. Тақпақтар оқылып, әр бала өз досы туралы әңгімелеп, суретін салып, достарының ең жақсы қасиеті жайлы әсерлі шағын эссе жазды. Балалар достарына хат жазды.Соңында бір-біріне жақсы тілектер жазылған жүрекше сыйлап, қағазға салған досының суретін сыйға тартты. Ашық алаңда командалық қимылды ойындар ойнатылып, балалар көңілді көңіл күймен үйлеріне тарасты. Мақсаты: балалардың бір-бірімен қарым-қатынастарын нығайту, адамгершілікке, имнадылыққа тәрбиелеу
21 маусым күні жазғы лагерь аясында балалармен «Жолда жүру ережесін білеміз бе?» атты тәрбие сағаты өткізілді. Онда бағдаршам көздеріне байланысты және де оттан,судан сақтану шараларын оқушыларға түсіндіріліп,пікір бөлісті.(қызыл, сары, жасыл) топқа бөлінді. Әр топқа сұрақ – жауап әдісі арқылы тапсырма берілді, жұмбақтар жасырылды, топтық жұмыс ұйымдастырылды. Содан соң «Қызықты бағдаршам» сурет сайысы өткізілді. Балалар бұл жұмысқа қызу кірісті. Ең әдемі суретті мақтау қағазымен марапаттадық. Жеңіл астан кейін балалармен таза ауада «Ең үздік жаяу жүргінші» атты сайысы ұйымдастырылды. Бұл сайыстан оқушылар жолда, жол қилысында өздерін қалай ұстау керектігін практика жүзінде көрсете білді. Мақсаты: жолда жүру ережесін сақтауға үйрету.
20 маусым күні ұлттық тәрбиені насихаттау мақсатында Новоишим қазақ орта мектебінің ұжымы мен оқушылары "Туған өлке" этнолингвистикалық лагеріне қатысты. Ұлдар арасында асық, тоғызқұмалақ ұлттық ойындарынан жарыс ұйымдастырылса, қыздарға ұршық үйіру, "Бесікке салу" салт- дәстүрі туралы түсінік берілді. Сонымен қатар ұлттық тағамымыздың бірі бауырсақтың әзірленуі үйретілді. Қазанда қуырдақ пісіріліп, оқушылар алтыбақан теүіп, барлығы тамаша көңіл-күйде болды.
17 маусым күні "Новоишим қазақ орта мектебі" КММ-нің сынып жетекшілердің ұйымдастырылуымен жазғы мектептің соңғы күніне орай оқушылар табиғатқа шықты. Таза ауада спорттық ойындардан жарыс өткізіп, логикалық жұмбақтарды шешті. Мақсаты: табиғатты аялауға, қамқор болуға үйрету. Оқушылар арасындағы қарым- қатынасты нығайту.
16 маусым күні жазғы лагерь аясында "Новоишим қазақ орта мектебі" КММ-нің балалары аудандық балалар кітапханасына экскурсияға барды. Оларды кітапханадағы бар кітаптармен таныстырып, 4Д форматтағы оқулықтарды ұялы телефон арқылы жанжандырып көруге болатынын көрсетті. Ойын ойнатып, сыйлықтарды тарту етті.
Қазақстан Республикасы Білім және ғылым министрінің 2022 жылғы 20 сәуірдегі «2021-2022 оқу жылын аяқтау және орта білім беру ұйымдарында білім алушыларды қорытынды аттестаттаудан өткізу мерзімдерін бекіту туралы» № 159 бұйрығын, «2021-2022 оқу жылында жазғы мектепті ұйымдастыру жөніндегі әдістемелік ұсынымдарын және «2021-2022 оқу жылында Қазақстан Республикасының орта білім беру ұйымдарында оқу-тәрбие процесінің ерекшеліктері туралы» нұсқалық-әдістемелік хатты негізге ала отырып, 26 мамырдан 17 маусымға дейін білім сапасын арттыру және негізгі пәндер бойынша білімдегі олқылықтардың орнын толтыру мақсатында 1-8 және 10-сыныптар мен 9-сыныптардың (қалауы бойынша) білім алушылары үшін 18 мамыр 2022 жылғы №87 мектеп директоры бұйрығымен Жазғы мектеп жұмысы ұйымдастырылды. Сыныптар бойынша 19.05-26.05 аралығында ата-аналардың өтініші жинақталып, оқушы саны анықталды.<br /> Жиналған оқушылар саны 215: бастауыш буын – 105, орта мен жоғары буын – 110 оқушы. «Бәйтерек» мөлтік ауданы мен шалғай көшелерде тұратын оқушылар үшін тасымалдау ұйымдастырылды. <br />Жазғы мектеп бойынша жұмыс жоспары жасалып, бекітілді. Әр сынып бойынша оқу кабинеттері белгіленді. <br />26.05-нен бастап сағат 10:00 –нан 12:40-қа дейін сабақ кестесі бойынша бекітілген мұғалімдер сабақ өткізді. Оқу пәндерінің тізімі - негізгі пәндер (қазақ тілі,әдебиеттік оқу, жаратылыстану, дүниетану, орыс тілі, ағылшын тілі, математика, тарих, физика, химия, биология, география, информатика.)<br />Жазғы мектеп аясында сабақ үстінде әртүрлі жұмыс түрлері өткізілді: оқу сабақтары, жобалық қызмет, зерттеулер, зертханалық жұмыстар, таза ауадағы сабақтар, өлкетану зерттеу экспедициялары, мұражайларға, туған өлкенің көрікті жерлеріне бару экскурсиялары және т.б. Білім алушылардың танымдық ынтасын арттыру мақсатында қосымша ойын-сауық материалдарын, тест тапсырмаларын, шығармашылық сипаттағы дидактикалық материалдарды, аудиовизуалды құралдарды (графика, аудио, бейнематериалдар), презентацияларды, сараланған оқу тапсырмаларын пайдаланды.
14 маусым күні Аудандық мәдениет үйінде "Территория танца" аудандық балалар би байқауы" өтті. Амиржанова Г. Е және Мусаибова Г. Т жетекшілігімен Новоишим қазақ орта мектебінің атынан 4"ә" сыныбы қатысып, 1- орынға ие болды. Балалар замануи мен ұлттық якут биін орындап, залда отырған әділ-қазылар алқасы мен көреремендердің ыстық қошеметтеріне ие болды.
16 маусым күні мектеп дәстүрлерін насихаттау және сақтау, білім мен білімнің құндылығын, адам өмірінде білім туралы құжаттарды алудың маңыздылығын қалыптастыру мақсатында 11 -ші сыныптарда "Түлек 2022- Жаңа Қазақстанның ертеңі" тақырыбында аттестат беру рәсімі өтті. Жиында негізгі мектеп бітіруші түлектерге аттестат және алғыс хат берілді.
